ამ რეჟიმისგან აბსოლუტურად ყველაფერია მოსალოდნელი, - ამის შესახებ „ერთიანობა - ნაციონალური მოძრაობის“ წევრმა გიორგი ბარამიძემ განაცხადა, რითაც უპასუხა კითხვას, მოსალოდნელია თუ არა გიგი უგულავას გარდა კიდევ სხვა ოპოზიციონერი ლიდერების დაკავება.

როგორც სასამართლოში მისულმა ბარამიძემ განაცხადა, ვიდრე მოღალატეობრივი რეჟიმი არ დამარცხდება, იქამდე ქვეყნის დემოკრატია და მისი მომავალი საფრთხეშია.

„2013 წლიდან ვიცით, რომ ესენი მოღალატეები და რუსეთის სამსახურში მყოფი კრიმინალური ბანდა არიან. უბრალოდ ნიღაბი ჩამოიხსნეს და ეს ბევრად მეტმა ადამიანმა გაიგო. „ნაციონალური მოძრაობისთვის“ ეს ახალი არ არის, ამ ბრძოლაში ვართ დიდი ხანია, ბევრი ჩვენგანი დაიჭირეს, ბევრზეა სისხლის სამართლის საქმე აღძრული, ბევრი იძულებული გახდა ქვეყნიდან წასულიყო, ასე რომ, ამ ბრძოლაში მე-13 წელია ვართ. ახალი ჩვენი ქვეყნისა და ჩვენთვის არაფერია. სანამ ამ მოღალატეობრივ რეჟიმს არ დავამარცხებთ, ყველა მოქალაქე, ქვეყნის დემოკრატია, კურსი, თავისუფლება საფრთხეში იქნება“, - განაცხადა ბარამიძემ.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის