ახალი ამბების სააგენტო „ექსპრესნიუსი“ შეშფოთებულია ჟურნალისტის, გამოცამა „ნეტგაზეთის და „ბათუმელების“ დამფუძნებლის მზია ამაღლობელის ჯანმრთელობის მდგომარეობით.

„ჩვენი კოლეგა მზია ამაღლობელი მე-17-ე დღეა შიმშილობს, არაერთი სპეციალისტი ამბობს, რომ შიმშილი მეტად საშიში და დამაზიანებელია ადამიანის ჯანმრთელობისთვის. პენიდენციალური სამსახურის განცხადება მზიას ჯანმრთელობის მადგონმარეობაზე უფრო მეტ კითხვას აჩენს ვიდრე პასუხს იძლევა არსებულ კითხვაზე. სახალხო დამცველის ლევან იოსელიანის განცხადებიდან ასევე ვიცით, რომ პენიდენციალური დაწესებულების ექიმი, მხოლოდ გარეგნულად ათვალიერებს ჟურნალისტს და რაიმე სამედიცინო მანიპულაცია მას არ უტარდება.

მზია ამაღლობელის სიცოცხლეზე და ჯანმრთელობის მადგომარეობაზე მთლიანად პასუხისმგებელია სახელმწიფო და „ქართული ოცნების“ ხელისუფლება. კრიმინალურ საქმიანობაში მხილებული ბათუმის პოლიციის უფროსის ირაკლი დგებუაძის პროვოკაცია ჟურნალისტის წინააღმდეგ ემსახურებოდა, გამომცემელის დასჯას მისი საქმიანობის გამო.

ეს გარემოება საფრთხეს უჩენს ყველა თავისუფალ ჟურნალისტს, მისი საქმიანობის გამო გისოსებს მიღმა აღმოჩნდეს.

 მიგვაჩნია, რომ მზია ამაღლობელისთვის წინასწარი პატიმრობის შეფარდება არაპროპორციული და უსამართლოა.

„ექსპრესნიუსმა“ განცხადება ევროპის ახალი ამბების სააგენტოების ასოციაციას, ორგანიზაცია „რეპორტიორების საზღვრებს გარეშე“ გაუგზავნა.

ჩვენ ვითხოვთ მზია ამაღლობელის უპირობო განთავისუფლებას. ასევე ვითხოვთ დაისაჯოს ყველა ის ადამიანი ვინც ჟურნალისტების წინააღმდეგ სისხლის სამართლის დანაშაული ჩაიდინა.  

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის