რესპუბლიკის მოედანზე მოქალაქეები იკრიბებიან რათა პატივი მიაგონ მიხა ხელაშვილის ხსოვნას – ქართველ გმირს, რომელიც ქვეყნის დამოუკიდებლობისთვის და რუსული რეჟიმის წინააღმდეგ ბრძოლაში სიცოცხლე გასწირა. მისმა აქტიურობამ და საბჭოთა რეჟიმისადმი წინააღმდეგობამ იგი საბჭოთა ხელისუფლების მთავარ სამიზნედ აქცია. 1925 წელს იგი მოღალატურად მოკლეს საბჭოთა ხელისუფლების წარმომადგენლებმა.
მიხა ხელაშვილი არასდროს შეურიგდა ოკუპაციას, არ აირჩია ემიგრაცია და ბოლომდე იბრძოდა სამშობლოს თავისუფლებისთვის.
დღეს, ჩვენი ვალია, გავაგრძელოთ ეს წინააღმდეგობა არალეგიტიმური მმართველობის წინააღმდეგ და დავიცვათ საქართველოს ევროპული მომავალი! ფშავ-ხევსურებო, თუშებო, მოხევეებო, მთიულებო, გუდამაყრელებო, ქსნელებო და საქართველოს ყველა პატრიოტო – ერთად დავდგეთ ჩვენი ქვეყნისთვის!

მიხა ხელაშვილის მკვლელობიდან დღეს 100 წელი გავიდა იგი ავტორია პოპულარული ლექსისა „ლექსო ამოგთქომ ოხერო“, რომელიც ზეპირად ვრცელდებოდა აღმოსავლეთ საქართველოს მთიანეთში, კერძოდ ხელაშვილის მშობლიურ ფშავში. 1922-1924 წლებში მონაწილეობდა საბჭოთა რეჟიმის წინააღმდეგ ქაქუცა ჩოლოყაშვილის მეთაურობით მოწყობილ შეიარაღებულ გამოსვლებში ფშავსა და ხევსურეთში.

გავრცელებული ვერსიით საკუთარ დაბადების დღეს, 25 წლის ასაკში, მოკლეს საბჭოთა ხელისუფლების მიერ მოსყიდულმა მეგობრებმა: ლევან გარსევანიშვილმა, ლუკა მარცვალაშვილმა და ვახტანგ რაზიკაშვილმა. სხვა ვერსიით დაიღუპა დუშეთის მილიციის რაზმთან შეტაკების დროს. დაკრძალულია ჩარგლის სოფლის სასაფლაოზე.

2022 წლის 9 აპრილს საქართველოს პრეზიდენტმა სალომე ზურაბიშვილმა მიხა ხელაშვილს საქართველოს ეროვნული გმირის წოდება მიანიჭა

ავტორი: ექსპრესნიუსი,

სოციალური ქსელები

კობახიძემ მოიტყუა როცა თქვა, რომ 2011 წლის აქციის დარბევაზე დასავლეთს და ევროპულ სტრუქტურებს რეაქცია არ ჰქონიათ

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა