აშშ-ის სენატმა თავდაცვის მდივნის თანამდებობაზე პიტ ჰეგსეტი დაამტკიცა. ინფორმაციას ამის შესახებ „ბიბისი“ ავრცელებს.

ხმის მიცემისას მიტჩ მაკკონელმა და რესპუბლიკელმა სენატორებმა, ლიზა მურკოვსკიმ და სუზან კოლინზმა ხმა ჰეგსეტის კანდიდატურის საწინააღმდეგოდ მისცეს, რის შედეგადაც ხმები 50-50ზე გადანაწილდა. გადამწყვეტი ხმა ჰეგსეტს აშშ-ის ვიცე პრეზიდენტმა, ჯეიმს დევიდ ვენსმა მისცა.

ეს აშშ-ის ისტორიაში მეორე შემთხვევაა, როდესაც ვიცე-პრეზიდენტმა კაბინეტის წევრის დანიშვნაზე გადამწყვეტი ხმა მისცა.

აშშ-ის მომავალი თავდაცვის მდივანი, პიტ ჰეგსეტი ორშაბათს თეთრ სახლში ფიცს დადებს.

მედიის ცნობით, ჰეგსეტი „ფოქს ნიუსის“ წამყვანი და არმიის ვეტერანია. ჰეგსეტს სამხედრო სამსახურის დიდი ხნის გამოცდილება აქვს. ის ავღანეთისა და ერაყის მისიებში მონაწილეობდა.

ჰეგსეტის დამტკიცებას აშშ-ის პრეზიდენტი, დონალდ ტრამპიც გამოეხმაურა.

„ჩვენ ახლახან გავიგეთ, რომ გვყავს შესანიშნავი თავდაცვის მდივანი. ჩვენ ძალიან ბედნიერები ვართ ამით და ვაფასებთ ყველას ხმას. მე ვფიქრობ, რომ პიტი იქნება თავდაცვის შესანიშნავი მდივანი. ჩვენთვის დიდი პატივია, რომ ასეთი თავდაცვის მდივანი გვეყოლება“, – განაცხადა ტრამპმა.

ავტორი: ექსპრესნიუსი,

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება