გერმანიის თავდაცვის მინისტრმა, ბორის პისტორიუსმა, უარყო გავრცელებული ინფორმაცია, თითქოს უკრაინისთვის ახალი სამხედრო დახმარების პაკეტის დამტკიცებას ქვეყნის კანცლერი, ოლაფ შოლცი, ბლოკავს.

გამოცემა Tagesspiegel-ისთვის მიცემულ ინტერვიუში პისტორიუსმა აღნიშნა, რომ თავდაცვის სამინისტრო უკვე ამზადებს უკრაინისთვის 3 მილიარდი ევროს ღირებულების დახმარების პაკეტს.

„არავითარი ბლოკადა არ არსებობს. თავდაცვის სამინისტროში უკრაინისთვის ახალი დახმარების პაკეტი მოვამზადეთ. ახლა ეს პოლიტიკურად უნდა გადაწყდეს, როგორც კი ყველა საკითხი გაირკვევა. ველოდები შესაბამის გადაწყვეტილებას“, — განაცხადა პისტორიუსმა.

შეგახსენებთ,რომ  ცოტახნის წინ გავრცელდა ინფორმაცია,  თავდაცვის მინისტრი ბორის პისტორიუსი და საგარეო საქმეთა მინისტრი ანალენა ბერბოკი 23 თებერვალს დაგეგმილ არჩევნებამდე უკრაინისთვის დამატებით 3 მილიარდი ევროს გამოყოფას გეგმავენ, თუმცა მათ ინიციატივას წინააღმდეგობას კანცლერის კანცელარია უწევს.

პისტორიუსის თქმით, ეს ინფორმაცია რეალობას არ შეესაბამება და გადაწყვეტილების მიღების პროცესი მიმდინარე ეტაპზე პოლიტიკურ განხილვებს საჭიროებს.

ავტორი: ექსპრესნიუსი,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე