უკრაინის წინააღმდეგ ომში რუსეთის დასახმარებლად კურსკის ოლქში გაგზავნილი ჩრდილოკორეელი სამხედროებიდან მოკლულია სულ მცირე 300 და დაჭრილია დაახლოებით 2700.

ეს მონაცემები, როგორც სააგენტო Yonhap-ი წერს, სამხრეთ კორეის დაზვერვის სამსახურმა წარუდგინა ქვეყნის პარლამენტის დაზვერვის კომიტეტს.

2025 წლის 5 იანვარს, უკრაინის პრეზიდენტმა ვოლოდიმირ ზელენსკიმ ამერიკელი ინტერვიუერის, ლექს ფრიდმანის პოდკასტში განაცხადა, რომ მოკლული და დაჭრილია დაახლოებით 3800 ჩრდილოკორეელი სამხედრო.

დღეს, 13 იანვარს სააგენტო Yonhap-ი სამხრეთ კორეის დაზვერვის სამსახურზე დაყრდნობით იმასაც წერს, რომ ჩრდილოკორეელ ჯარისკაცებს ტყვედ ჩავარდნის საფრთხის შემთხვევაში ხელმძღვანელობისგან თავის მოკვლა აქვთ ნაბრძანები.

11 იანვარს პრეზიდენტმა ზელენსკიმ სოციალური ქსელებით გაავრცელა უკრაინელების მიერ რუსეთის კურსკის ოლქში დატყვევებული ორი ჩრდილოკორეელი სამხედროს ფოტოები. 12 იანვარს უკრაინის პრეზიდენტმა განაცხადა, რომ მზად არიან ჩრდილოეთ კორეის მეთაურ კიმ ჩენ ინს გადასცენ თავისი ჯარისკაცები, თუ მას შეუძლია რუსეთის ტყვეობაში მყოფ უკრაინელ მეომრებში მათი გაცვლის ორგანიზება.

ავტორი: ექსპრესნიუსი,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე