სუდანის „სწრაფი მხარდაჭერის ძალებმა“ გენოციდი ჩაიდინა, - ამის შესახებ განცხადებას აშშ-ის სახელმწიფო მდივანი, ენტონი ბლინკენი ავრცელებს.

„სუდანის „სწრაფი მხარდაჭერის ძალები“ (RSF) და მასთან დაკავშირებული შეიარაღებული რაზმები მშვიდობიანი მოსახლეობის წინააღმდეგ თავდასხმებს აგრძელებენ. ისინი ეთნიკურ საფუძველზე სისტემატურად ხოცავენ კაცებს, ბავშვებსა და ჩვილებს და სხვადასხვა ეთნიკური ჯგუფებიდან გაუპატიურებისა და სასტიკი სექსუალური ძალადობის მიზნით ქალებსა და გოგონებს მიზანში იღებენ. აღნიშნული ინფორმაციის საფუძველზე, დასკვნა გამომაქვს, რომ „სწრაფი მხარდაჭერის ძალებმა“ და მასთან დაკავშირებულმა შეიარაღებულმა რაზმებმა სუდანში გენოციდი ჩაიდინეს“, - აცხადებს ენტონი ბლინკენი.

ამასთან, აშშ-მა „სწრაფი მხარდაჭერის ძალების“ ლიდერს, მუჰამედ ჰამდან დაგალოს, ცნობილი როგორც ჰემედტი, სუდანელი ხალხის წინააღმდეგ ჩადენილი სასტიკი ძალადობის გამო სანქციები დაუწესა.

„ამ ომში აშშ მხარს არცერთ მხარეს უჭერს და ჰემედტის წინააღმდეგ მიღებული ზომები „სუდანის შეიარაღებული ძალების“ (SAF) მხარდაჭერას არ ნიშნავს“, - აღნიშნავს აშშ-ის სახელმწიფო მდივანი.

ცნობისთვის, სუდანში სამოქალაქო ომი ქვეყნის სამხედრო მთავრობის ორ დაპირისპირებულ მხარეს „სუდანის შეიარაღებულ ძალებსა“ (SAF) და „სწრაფი მხარდაჭერის ძალებს“ (RSF) შორის 2023 წლის აპრილში დაიწყო. სამოქალაქო ომით გამოწვეული ჰუმანიტარული კრიზისის ფონზე სუდანი 2 მილიონზე მეტმა ადამიანმა დატოვა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს