ბულგარეთი და რუმინეთი შენგენის ზონის სრულუფლებიანი წევრები გახდნენ. ორი ქვეყნის ჯამში 25 მილიონი მცხოვრები ახლა უერთდება ევროკავშირის თითქმის 450 მილიონ მოქალაქეს, რომლებსაც უკვე აქვთ შენგენის ზონაში თავისუფლად გადაადგილების უფლება, მას შემდეგ, რაც სახმელეთო საზღვრის შემოწმებები ოფიციალურად გაუქმდა.

2024 წლის დეკემბერში ევროკავშირის ქვეყნების შინაგან საქმეთა მინისტრებმა ხმა მისცეს ბულგარეთისა და რუმინეთის შენგენის ზონაში სრულად შესვლას. ეს გადაწყვეტილება ძალაში შევიდა 2025 წლის პირველი იანვრიდან.

რუმინეთი და ბულგარეთი ევროკავშირის წევრები 2007 წლიდან არიან და შეასრულეს შენგენში შესვლის მოთხოვნები 2010 წელს. თუმცა, წლების განმავლობაში სხვადასხვა სახელმწიფო აპროტესტებდა მათ გაწევრიანებას მიგრაციის პრობლემების გამო. 2022 წლიდან განსაკუთრებით ავსტრია იყო მოწინააღმდეგე ქვეყანა, თუმცა ხუთშაბათს ვენამ კენჭისყრამდე მიანიშნა, რომ გადაწყვეტილებას ვეტოს არ დაადებს. როგორც მედია წერს, ეს ნაწილობრივ გამოწვეულია პაქტით, რომლის მიხედვითაც ბულგარეთი დათანხმდა მეტი მესაზღვრეების განთავსებას თურქეთთან საზღვარზე.

1985 წელს შექმნილი შენგენის თავისუფალი გადაადგილების ზონა ყველაზე დიდი ასეთი ტიპის ზონაა მსოფლიოში. იგი მოიცავს ევროკავშირის ყველა ქვეყანას კვიპროსის და ირლანდიის გარდა, ასევე ევროკავშირის არაწევრ შვეიცარიას, ნორვეგიას, ისლანდიას და ლიხტენშტაინს.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს