ევროკავშირის საბჭოს თავმჯდომარე ქვეყანა პოლონეთი გახდა. ევროკავშირის საბჭოს პოლონეთის თავმჯდომარეობა აცხადებს, რომ ერთად იმუშავებენ უფრო უსაფრთო, ძლიერი და ერთიანი ევროპისთვის.

დეკემბერში პოლონეთის საგარეო საქმეთა მინისტრმა, რადოსლავ სიკორსკიმ განაცხადა, რომ პოლონეთი შეეცდება გააძლიეროს ევროკავშირის მისია უკრაინის მხარდასაჭერად, როგორც მის სამხედრო (EUMAM Ukraine) ასევე სამოქალაქო (EUAM Ukraine) მიმართულებებში. მინისტრის თქმით, პოლონეთის თავმჯდომარეობა იბრძვის უკრაინისა და მისი აღდგენისთვის ევროკავშირის გრძელვადიანი და ურყევი პოლიტიკური, სამხედრო და ფინანსური მხარდაჭერისთვის და რუსეთზე და მის მხარდამჭერებზე მზარდი ზეწოლისთვის, რათა რაც შეიძლება მალე დაასრულოს მიმდინარე აგრესია.

გარდა ამისა, მან თქვა, რომ კიდევ ერთი მიზანია ევროკავშირის სანქციების გაძლიერება რუსეთისა და ბელარუსის წინააღმდეგ და მათ გვერდის ავლის წინააღმდეგ ბრძოლა.

მინისტრმა სიკორსკიმ განაცხადა, რომ საგარეო საქმეთა სამინისტრო, სანქციების საკითხებში ევროკავშირის წარმომადგენელთან დევიდ ო’სალივანთან თანამშრომლობით, მოაწყობს კონფერენციას, რომელიც მიეძღვნება სანქციების პოლიტიკის გამოწვევებს (2025 წლის 25 თებერვალს).

პოლონეთმა ევროკავშირის საბჭოს თავმჯდომარეობა უნგრეთისგან გადაიბარა. წევრი სახელმწიფოები როტაციით ითავსებენ ამ ფუნქციას 6 თვის განმავლობაში. თავმჯდომარე ქვეყნის მოვალეობაში შედის დღის წესრიგის შედგენა, EU-ის წევრი სახელმწიფოების შეხვედრების ხელმძღვანელობა, ამასთან, ევროპარლამენტთან კანონმდებლობების ირგვლივ შეთანხმებაზე შუამავლობა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს