ლიეტუვა არ ერევა საქართველოს შიდა პოლიტიკაში, – ამის შესახებ ლიეტუვის საგარეო საქმეთა მინისტრმა, კესტუტის ბუდრისმა განაცხადა.

ბუდრისის თქმით, ლიეტუვის მხარდაჭერა საქართველოსადმი და სანქციების დაწესება მისი პოლიტიკოსების მიმართ არ არის მიმართული ქვეყნის შიდა პოლიტიკაში ჩარევისკენ.

„ეს არ ეხება ქვეყნის შიდა პოლიტიკას ან რომელიმე კონკრეტული პოლიტიკური ჯგუფის მხარდაჭერას. საუბარია საქართველოს დაპირებაზე, რომელიც ერთი წლის წინ დადეს და არ შეასრულეს, რომ ჩაატარონ თავისუფალი და სამართლიანი არჩევნები, რაც მათთვის ევროკავშირთან ურთიერთობების შემდგომი განვითარებისა და ქვეყნის ევროკავშირის კანდიდატის სტატუსის განხორციელების პირობაა. ეს მხოლოდ იმას ეხება, რომ საქართველო არღვევს დანაპირებს და არა იმას, რომ ჩვენ ვცდილობთ, წარვმართოთ შიდა პოლიტიკური პროცესები“, – განუცხადა ბუდურისმა ჟურნალისტებს.

ბუდრისის თქმით, ამ სხვადასხვა საკითხის გაერთიანება ზიანის მომტანია.

„არჩევნები, დემოკრატიული სტანდარტები, ეუთო, საარჩევნო ანგარიშები, ევროინტეგრაცია – ეს არის ის, რაზეც ჩვენ ვსაუბრობთ, ისევე როგორც ადამიანებზე, რომლებიც აორგანიზებენ მშვიდობიან მომიტინგეებზე ძალადობას ქუჩაში და ათავსებენ მათ გისოსებს მიღმა“, – განაცხადა ლიეტუვის საგარეო საქმეთა მინისტრმა.

ავტორი: ექსპრესნიუსი,

სოციალური ქსელები

კალაძე: "დიფსთეითი" თანამედროვე მსოფლიოსთვის უდიდესი პრობლემაა

გაზსადენზე მომხდარი ავარიის გამო დიღომში, დიდ დიღომსა და გლდანის რაიონში 4600 აბონენტს გაზის მიწოდება შეუწყდა

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო

სასამართლომ „ფორმულა“ გოგა ხაინდრავასთვის „მორალური ზიანის მიყენების გამო“ 10 000 ლარით დააჯარიმა