"სირიაში ქაოსია, მაგრამ ის ჩვენი მეგობარი არ არის და შეერთებულმა შტატებმა არანაირად არ უნდა ჩაერიოს. ეს ჩვენი ბრძოლა არ არის. დაე, ყველაფერი თავის კურსს დადგეს. ნუ ჩაერევით!" – ეს შეტყობინება აშშ-ის არჩეულმა პრეზიდენტმა დონალდ ტრამპმა 7 დეკემბერს, შაბათს, თავის სოციალურ ქსელ Truth Social-ში გამოაქვეყნა.

"ოპოზიციის მებრძოლებმა სირიაში, უპრეცედენტო ნაბიჯით, მრავალი ქალაქი სრულად აიღეს, ძლიერ კოორდინირებული იერიშის ფარგლებში, და ახლა დამასკოს გარეუბნებთან არიან; ცხადია, ემზადებიან მნიშვნელოვანი ნაბიჯის გადასადგმელად ასადის ჩამოშორების მხრივ

რუსეთი, იმის გამო, რომ უკრაინაშია ჩაფლული, იქ 600 000-ზე მეტი ჯარისკაცის დაკარგვასთან ერთად, როგორც ჩანს, უუნაროა სირიაში პირდაპირი მნიშვნელობით ამ მარშის შეჩერებაში, ქვეყანაში, რომელსაც ისინი წლები იცავდნენ

ეს [ქვეყანაა], სადაც ყოფილმა პრეზიდენტმა ობამამ არ შეასრულა საკუთარი მოვალეობა ქვიშაში წითელი ხაზის დაცვის შესახებ, და ყველაფერი აირია, რუსეთის ჩართვით. მაგრამ ახლა მათ [რუსეთს], როგორც სავარაუდოდ თავად ასადს, ძალით აგდებენ, და ეს შეიძლება საუკეთესო რამ იყოს მათთვის

სირიაში რუსეთისთვის ბევრი სარგებელი არასდროს ყოფილა, გარდა იმისა, რომ ობამა ძალიან სულელად გამოიყვანეს. ნებისმიერ შემთხვევაში, სირიაში აურზაურია, მაგრამ [სირია] არაა ჩვენი მეგობარი, და აშშ-ს იქ არაფერი ესაქმება. ეს არ არის ჩვენი ბრძოლა. აცადეთ, [მოვლენები] თავისით განვითარდეს. არ ჩაერიოთ!"- წერს აშშ-ს არჩეული პრეზიდენტი დონალდ ტრამპი Truth Social-ზე

შეიარაღებულმა ჯგუფებმა ნოემბრის ბოლოს წამოიწყეს ფართომასშტაბიანი შეტევა სირიის პრეზიდენტის ბაშარ ალ-ასადის სამთავრობო ძალების წინააღმდეგ. რამდენიმე დღეში მათ მოახერხეს ქვეყნის სიდიდით მეორე ქალაქში, ალეპოში შესვლა და ქალაქების ჰამასა და დეირ ეზ-ზორის კონტროლი.

ადამიანის უფლებათა სირიის ობსერვატორიის (OSDH) დირექტორის, რამი აბდელ რაჰმანის თქმით, მეამბოხე ჯგუფები ასევე აკონტროლებენ დარაას მთელ პროვინციას, მათ შორის მის ამავე სახელწოდების ადმინისტრაციულ ცენტრს.

იმავდროულად, როგორც NYT აღნიშნავს, ასადის სამი მთავარი მოკავშირე - ირანი, რუსეთი და ირანის მიერ მხარდაჭერილი ლიბანის ისლამისტური მოძრაობა ჰეზბოლა - ამჟამად ორიენტირებულია საკუთარი პრობლემების გადაჭრაზე. ირანი და ჰეზბოლა დაკავებულები არიან ისრაელთან დაპირისპირებით, რუსეთი კი უკრაინის წინააღმდეგ ომით.

„რუსეთი, იმის გამო, რომ უკრაინაშია ჩაძირული და იქ 600 000-ზე მეტი ჯარისკაცი დაკარგა, როგორც ჩანს, ვერ შეაჩერებს ამ ლაშქრობას სირიაში, ქვეყანას, რომელსაც იგი წლების განმავლობაში იცავდა“, - თქვა ტრამპმა 7 დეკემბრის პოსტში.

ამავდროულად, მისი აზრით, სირიიდან რუსული ძალების „და თავად ასადის“ განდევნა, რაც ამ წუთებში ხდება, „შესაძლოა საუკეთესოა, რაც მათ შეიძლება დაემართოს“.

დონალდ ტრამპმა არ მიუთითა უკრაინაში რუსეთის დანაკარგების შესახებ მისი მონაცემების წყარო.

ტრამპი ამერიკის სახელმწიფოს მეთაურის თანამდებობას ოფიციალურად 2025 წლის 20 იანვარს შეუდგება.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს