2024-12-06 20:31:47, 544 ნახვა

---

„საერთაშორისო გამჭვირვალობა-საქართველო“ - აქციებზე დააკავეს 400-მდე პირი, ნაცემია 300-ზე მეტი, დასჯილია 0 პოლიციელი

„საერთაშორისო გამჭვირვალობა -საქართველო“ 28 ნოემბრიდან აქციებზე დაკავებულ მომიტინგეთა შესახებ ინფორმაციას აქვეყნებს.

არასამთავრობო ორგანიზაციის ცნობით, ამ დრომდე 400-მდე ადამიანი დააკავეს, მათგან ადმინისტრაციული წესით 350-ზე მეტი, ხოლო სისხლის სამართლის წესით 26.

„დაკავებულთა ასაკი 15-დან 60 წლამდეა. მამაკაცებთან ერთად დააკავეს ქალები და ბავშვები. დაკავებულთა შორის 7 უცხოელია. 

მოსამართლეები იყენებენ მკაცრ სანქციებს: ჯარიმა 2000-3000 ლარი ან პატიმრობა 4-დან 14 დღემდე. 80-ზე მეტ დაკავებულს დასჭირდა ჰოსპიტალური მკურნალობა. ადვოკატებისთვის დაკავებულების ადგილსამყოფელი საათების მანძილზე უცნობია. მოსამართლეები გადაწყვეტილებას პოლიციელების ჩვენების საფუძველზე იღებენ და ადვოკატების მტკიცებულებებს არ ითვალისწინებენ. არცერთ ნაცემ ან წამების მსხვერპლ დაკავებულზე მოსამართლეს არ მიუმართავს სპეციალური საგამოძიებო სამსახურისთვის. მოსამართლეები არ აძლევენ დაკავებულებს საშუალებას უამბონ ცემისა და წამების შესახებ. მოსამართლეები ამბობენ, რომ ეს მათ არ ეხებათ“,-აღნიშნულია ინფორმაციაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი