საქართველოს პარლამენტმა საქართველოს მთავრობას ნდობა გამოუცხადა.

საკანონმდებლო ორგანოს დადგენილებას „საქართველოს მთავრობისთვის ნდობის გამოცხადების შესახებ“ კენჭი ცოტა ხნის წინ პლენარულ სხდომაზე ეყარა.

კენჭისყრის შედეგების მიხედვით, მთავრობას ნდობა 84-მა კანონმდებელმა გამოუცხადა, წინააღმდეგ არავინ წასულა.

ნდობის გამოცხადების შემდეგ, სასესიო დარბაზში, სადაც მხოლოდ „ქართული ოცნების“ საარჩევნო სიით გასული დეპუტატები იმყოფებოდნენ, საქართველოს სახელმწიფო ჰიმნი შესრულდა.

შეგახსენებთ, საქართველოს XI მოწვევის პარლამენტის პირველი პლენარული სხდომა 25 ნოემბერს გაიხსნა. ამავე დღეს, საკანონმდებლო ორგანომ 150-ვე დეპუტატის უფლებამოსილება ცნო. 

26 ოქტომბრის საპარლამენტო არჩევნების შედეგებს, 4 ბარიერგადალახული ოპოზიციური ძალა - „კოალიცია ცვლილებისთვის“, „ძლიერი საქართველო“, „ერთიანობა - ნაციონალური მოძრაობა“ და „გახარია საქართველოსთვის“ - არ აღიარებს და ხელახალ საპარლამენტო არჩევნებს მოითხოვს.

26 ნოემბერს, ოფიციალური მიმართვის საფუძველზე, საარჩევნო ადმინისტრაციამ პოლიტიკური გაერთიანებების - „კოალიცია ცვლილებისთვის - გვარამია, მელია, გირჩი, დროას“, „ერთიანობა - ნაციონალური მოძრაობის“ და „ძლიერი საქართველო - ლელო, ხალხისთვის, თავისუფლებისთვის“ პარტიული სიით წარდგენილ კანდიდატებს რეგისტრაცია გაუუქმა.

ავტორი: ექსპრესნიუსი,

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO (რ)

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას