ჯორჯო გორი - ქართველი ხალხი არის ერთ-ერთი ყველაზე პროევროპული

2024-11-14 00:23:37, 375 ნახვა

პოლიტიკა

ქართველი ხალხი არის ერთ-ერთი ყველაზე პროევროპული. ჩვენ დიდი პასუხისმგებლობა გვაქვს, ყველა ინსტრუმენტი უნდა გამოვიყენოთ, ქართველი ხალხის მისწრაფებების მხარდასაჭერად - ამის შესახებ ევროპარლამენტარმა, ჯორჯო გორიმ ევროპარლამენტში, საქართველოს შესახებ მიმდინარე დებატებზე განაცხადა.

"ათასობით ქართველის ქუჩაში გამოსვლის კადრები, ევროპული დროშებით, რომლებმაც გააპროტესტეს ბოლო არჩევნების შედეგები, ადასტურებს, როგორ არის ქართველი ხალხი მიჯაჭვული ინტეგრაციაზე. ამომრჩევლებს არ ჰქონდათ შესაძლებლობა, თავისუფლად გამოეხატათ თავისი აზრი და დაფიქსირდა ბევრი დარღვევა. იყო ყალბი ნიუსების კამპანია. ამასობაში, მიღებულ იქნა ბევრი პრორუსული კანონი, როგორიც არის უცხოური აგენტების კანონი და ასევე ე.წ ოჯახური ფასეულობების დაცვის კანონი. რუსეთის ჩარევასთან ბრძოლა არის გადამწყვეტი. ქართველი ხალხი არის ერთ-ერთი ყველაზე პროევროპული. ჩვენ დიდი პასუხისმგებლობა გვაქვს, ყველა ინსტრუმენტი უნდა გამოვიყენოთ, ქართველი ხალხის მისწრაფებების მხარდასაჭერად, რათა ქართველებმა იცხოვრონ ქვეყანაში, რომელიც არის კორუფციისგან თავისუფალი", - განაცხადა ჯორჯო გორიმ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან