ვალენსიაში ესპანეთის მეფე ფილიპ VI-ს და მისი ცოლს ლეტიცია სტუმრობისას ტალახი ესროლეს - ამის შესახებ Reuters იუწყება.

მეფე და დედოფალი ვალენსიაში ჩავიდნენ, რათა შეეფასებინათ სიტუაცია დამანგრეველი წყალდიდობის შემდეგ. თუმცა მათ შეურაცხყოფა მიაყენეს. ადგილობრივებმა დაიწყეს ჭუჭყის, ქვების, ჯოხებისა და ბოთლების სროლა ფილიპე VI-სა და მის მეუღლეზე და ყვირილი „მკვლელები“ ​​და „გამოდით გარეთ“. მეფე და დედოფალი არ დაშავებულან.

ადგილობრივი მაცხოვრებლების საჩივრები იყო, რომ ხელისუფლებამ დაგვიანებით გააფრთხილა ისინი ქარიშხლისა და წყალდიდობის საშიშროების შესახებ, შემდეგ კი ნელნელა რეაგირებდნენ სტიქიაზე.

პრემიერ მინისტრის პედრო სანჩესის განცხადებით, აღმოსავლეთ ესპანეთში, ვალენსიის პროვინციაში წყალდიდობას 214 ადამიანი ემსხვერპლა. მან ასევე დაამატა, რომ ეს წყალდიდობა ყველაზე სერიოზული სტიქია იყო ქვეყნის უახლეს ისტორიაში. ათასობით მაცხოვრებელი კვლავ რჩება ელექტროენერგიის გარეშე.

წყალდიდობა გამოწვია ქარიშხალმა დანამ, რომელმაც 29 ოქტომბერს ესპანეთის რეგიონებში ძლიერი ნალექი მოიტანა. პირველი რვა საათის განმავლობაში ვალენსიაში 490 მმ წვიმა მოვიდა, რაც დაახლოებით წლიური ნორმაა.

ვალენსიაში დაახლოებით 2 ათასი ადამიანი დაკარგულად ითვლება. ესპანეთის მთავრობამ სამდღიანი გლოვა გამოაცხადა.

ავტორი: ექსპრესნიუსი,

სოციალური ქსელები

კარგი იდეა მხოლოდ დასაწყისია, შეცდომების მიუხედავად არ გაჩერდე – ფოქსი ელენიკო 19 წლის საკუთარ თავს მიმართავს

ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს

სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში

კობახიძე: ეუთო-ს საპარლამენტო ასამბლეა ჯო უილსონის დონემდე დავიდა, ტრაგიკული მოვლენაა