2016-02-26 16:38:28, 650 ნახვა
საზოგადოება
თბილისის მეწარმეობის ხელშეწყობის ცენტრის გაუქმებას საკრებულომ მხარი დაუჭირა
თბილისის მეწარმეობის ხელშეწყობის ცენტრის გაუქმებას საკრებულომ 38 ხმით არც ერთის წინააღმდეგ მხარი დაუჭირა.
ფრაქცია „ნაციონალური მოძრაობის“ თავმჯდომარის ირაკლი აბესაძის განცხადებით, ორი მილიონი ლარი არამიზნობრივად დაიხარჯა და მერმა პასუხი უნდა გასცეს, თუ სად წავიდა ეს თანხა.
თბილისის მერიამ მის მიერვე შექმნილი მეწარმეობის ხელშეწყობის ცენტრი თერთმეტი თვის შემდეგ თავადვე გააუქმა. მერია აღნიშნული გადაწყვეტილებით წელიწადში 2 მილიონის დაზოგვას გეგმავს.
მეწარმეობის ცენტრის ფუნქციებს მერიის სხვადასხვა საქალაქო სამსახური შეითავსებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
