2024-10-28 19:36:16, 422 ნახვა
პოლიტიკა
„მათთვის აბსოლუტურად გასაგებია ჩვენი პოზიცია“ - ოპოზიციის ლიდერებმა ელჩებთან შეხვედრა გამართეს
ოპოზიციური პოლიტიკური პარტიების ლიდერებმა დიპლომატიური კორპუსის წარმომადგენლებთან შეხვედრა გამართეს.
როგორც შეხვედრის დასრულების შემდეგ, „ერთიანობა - ნაციონალური მოძრაობის" ერთ-ერთმა ლიდერმა, გიორგი ვაშაძემ მედიის წარმომადგენლებს განუცხადა, ელჩებს საპარლამენტო არჩევნებთან დაკავშირებით საკუთარი პოზიცია გააცნეს.
“ჩვენ არ ვცნობთ ამ არჩევნების შედეგებს - ეს არის საერთო ოპოზიციური გადაწყვეტილება. მათ ვუთხარით ჩვენი გეგმების შესახებ - რას ვაპირებთ, როგორ ვაპირებთ, რომ დავადასტუროთ ეს მასობრივი გადაწერა არჩევნების შედეგების, რაც მოხდა საქართველოში... შეხვედრაზე მოგვისმინეს, კითხვები დასვეს. მათთვის აბსოლუტურად გასაგებია ჩვენი პოზიცია. მათი ფუნქცია არის, რომ დედაქალაქებს გადასცენ ჩვენი პოზიცია“,- განაცხადა გიორგი ვაშაძემ.
ავტორი: ექსპრესნიუსი,
epn.ge (@expressnews.ge)
