2024-10-28 19:23:37, 422 ნახვა
პოლიტიკა
რინკევიჩი - გამოვხატე ლატვიის მუდმივი მხარდაჭერა დემოკრატიული, თავისუფალი საქართველოსა და მისი ევროპული გზის მიმართ
გამოვხატე ლატვიის მუდმივი მხარდაჭერა დემოკრატიული, თავისუფალი საქართველოსა და მისი ევროპული გზის მიმართ,- ამის შესახებ ლატვიის პრეზიდენტმა, ედგარ რინკევიჩმა საქართველოს პრეზიდენტთან, სალომე ზურაბიშვილთან სატელეფონო საუბრის შემდეგ, სოციალურ ქსელ X-ზე დაწერა.
რინკევიჩი წერს, რომ საუბრისას საქართველოში საპარლამენტო არჩევნების შემდეგ არსებული მდგომარეობა განიხილეს.
"სატელეფონო საუბარი მქონდა საქართველოს პრეზიდენტთან. განვიხილეთ საპარლამენტო არჩევნების შემდეგ საქართველოში არსებული მდგომარეობა, რომელიც საჭიროებს დარღვევების შესახებ ანგარიშების მოგვარებას. მე გამოვხატე ლატვიის მუდმივი მხარდაჭერა დემოკრატიული, თავისუფალი საქართველოსა და მისი ევროპული გზის მიმართ",- წერს რინკევიჩი.
ავტორი: ექსპრესნიუსი,
epn.ge (@expressnews.ge)
