სამხრეთ ლიბანზე ისრაელის თავდასხმას 3 ჟურნალისტი ემსხვერპლა. ამის შესახებ ინფორმაციას Reuters-ი ავრცელებს.

ლიბანური მედიის ცნობით, დილით, ქალაქ ჰასბაიაზე იერიშის შედეგად დაღუპულთა შორის პროირანული მედიასაშუალების, "ალ-მაიადინის" ოპერატორები - ღასან ნაჯარი და მოჰამედ რედა, ასევე "ჰეზბოლასთან" დაახლოებული ტელეარხის, "ალ-მანარის" ოპერატორი არიან.

ადგილზე მყოფი ჟურნალისტების ინფორმაციით, ბუნგალო, სადაც მამაკაცებს ეძინათ, პირდაპირი დარტყმის სამიზნე გახდა.

"ოკუპანტების მიერ ჟურნალისტების საცხოვრებელზე თავდასხმა წინასწარ განზრახული იყო. დაშავებულები არიან სხვა არაბული არხების ჟურნალისტებიც",- განაცხადა "ალ-მაიადინის" დირექტორმა, ღასან ბინ ჯიდომ.

ისრაელში კომენტარი ჯერჯერობით არ გაკეთებულა.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს