„კოალიცია ცვლილებისთვის“ - პრეზიდენტის ინიციატივას მხარს ვუჭერთ

2024-10-13 12:07:01, 391 ნახვა

პოლიტიკა

"კოალიცია ცვლილებისთვის" ტექნიკურ მთავრობასთან დაკავშირებით პრეზიდენტ სალომე ზურაბიშვილის ინიციატივას მხარს უჭერს.

როგორც კოალიციის მიერ გავრცელებულ განცხადებაშია ნათქვამი, ინიციატივა "ქართულ ქარტიასთან" სრულ შესაბამისობაშია.

"პრეზიდენტის ინიციატივა სრულ შესაბამისობაშია "ქართულ ქარტიასთან". ჩვენ ხელმოწერით დავადასტურეთ ჩვენი ერთგულება, სრულად შევასრულოთ ქარტიით გათვალისწინებული ყველა პუნქტი. შესაბამისად, მხარს ვუჭერთ პრეზიდენტის ინიციატივას",- აღნიშნულია "კოალიცია ცვლილებისთვის" განცხადებაში.

ცნობისთვის, გუშინ, 12 ოქტომბერს საქართველოს პრეზიდენტმა, სალომე ზურაბიშვილმა განაცხადა, რომ 26 ოქტომბრის არჩევნებამდე ტექნიკურ მთავრობას წარადგენს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,