პრეზიდენტი - რა საცოდავები უნდა იყოთ, რომ კგბ-ს სამჭედლოში დამზადებული პლაკატი ხალხს უტიფრად შესთავაზოთ

2024-09-26 12:40:21, 397 ნახვა

პოლიტიკა

პრეზიდენტი - რა საცოდავები უნდა იყოთ, რომ კგბ-ს სამჭედლოში დამზადებული პლაკატი ხალხს უტიფრად შესთავაზოთ - „ღირსებით“ ჯოჯოხეთისკენ!

რა დღეში უნდა იყოთ, რა საცოდავები, რომ კგბ-ს სამჭედლოში დამზადებული პლაკატი თქვენს ხალხს უტიფრად და უნამუსოდ შესთავაზოთ! - ამის შესახებ საქართველოს პრეზიდენტი სალომე ზურაბიშვილი სოციალურ ქსელში წერს და "ქართული ოცნების" მხარდამჭერ საარჩევნო ბანერის ფოტოს აქვეყნებს.

ზურაბიშვილის განცხადებით, ეს ქვეყნის კულტურის, ტრადიციების, ისტორიისა და რწმენის შეურაცხყოფაა.

"ასეთი სამარცხვინო, ასეთი ჩვენი კულტურის, ტრადიციების, ისტორიისა და რწმენის შეურაცხმყოფელი არაფერი მინახავს… რა დღეში უნდა იყოთ, რა საცოდავები, რომ კგბ-ს სამჭედლოში დამზადებული პლაკატი თქვენს ხალხს უტიფრად და უნამუსოდ შესთავაზოთ!… “ღირსებით” ჯოჯოხეთისკენ!" - წერს ზურაბიშვილი "ფეისბუქის" გვერდზე.