ტყიბულის N6 საჯარო სკოლაში რაიონის მუნიციპალიტეტის სკოლების მოსწავლეებს 12:00 საათზე საქართველოს თავდაცვის მინისტრის მოადგილე ანა დოლიძე III ქვეითი ბრიგადის სამხედრო მოსამსახურეებთან ერთად ეწვევა და ახალგაზრდებს ავღანეთიდან ქართველი სამშვიდობოების მიერ გამოგზავნილ საპასუხო წერილებს გადასცემს. 

რაიონში ჩავლენ ასევე, განათლებისა და მეცნიერების მინისტრის მოადგილე ლია გიგაური, სპორტისა და ახალგაზრდობის საქმეთა მინისტრის მოადგილე რევაზ ჯაველიძე და ტყიბულის რაიონის მაჟორიტარი ელისო ჩაფიძე.

 ქუთაისში, გენერალ კვინიტაძის სახელობის კადეტთა სამხედრო ლიცეუმში, 16:00 საათზე,  საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე და საქართველოს თავდაცვის მინისტრის მოადგილე ანა დოლიძე გენერალ გიორგი კვინიტაძის ეპოქის ამსახველ ფოტოგამოფენას გახსნიან. გამოიფინება გენერალ კვინიტაძის რესტავრირებული სამხედრო მუნდირი, პირადი ნივთები და ხელნაწერებიც. ისტორიის მეცნიერებათა დოქტორი გოჩა საითიძე კი პირად შემადგენლობას გენერალ გიორგი კვინიტაძის შესახებ საჯარო ლექციას წაიკითხავს( ქუთაისი, კადეტთა სამხედრო ლიცეუმი, ავტომშენებლის ქ. 51).  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

HRW საქართველოში არასამთავრობო ორგანიზაციების მდგომარეობაზე ანგარიშს აქვეყნებს

უკრაინამ ბოლო 4 დღეში აზოვის ზღვაში 35 რუსულ ტანკერს დაარტყა

საქართველოს ბანკის მხარდაჭერით, ბათუმში მეწარმე ქალებისთვის ელ. კომერციის ვორქშოპი გაიმართება

ევროკომისარი აზერბაიჯანის პროკურატურისგან აფგან სადიგოვის დაკავებაზე განმარტებას ითხოვს