ლიეტუვა გააგრძელებს უკრაინის მხარდაჭერას, რათა ქვეყანა გამარჯვებასთან დააახლოვოს,-  ამის შესახებ ლიეტუვის პრემიერ-მინისტრმა, ინგრიდა შიმონიტემ კიევში, უკრაინის დამოუკიდებლობის დღესთან დაკავშირებულ ღონისძიებაზე სიტყვით გამოსვლისას განაცხადა. ამის შესახებ ინფორმაციას უკრაინული მედია ავრცელებს.

ინგრიდა შიმონიტემ უკრაინისადმი მხარდაჭერის გამოსახატად უკრაინულ ენაზე ისაუბრა.

“ჩემთვის დიდი პატივი და სიხარულია უკრაინის დამოუკიდებლობის დღეს უკრაინელ თავისუფალ, მებრძოლ ხალხთან ერთად დგომა. ისევე როგორც მთელი ცივილიზებული სამყარო, აღფრთოვანებული ვარ თქვენით და გულწრფელად მადლობელი ვარ. თქვენი მიწისა და სახელმწიფოებრიობის დაცვით, თქვენ ყველას გვიცავთ - ჩემს სამშობლოს, ლიეტუვას, ევროპასა და მთელ დემოკრატიულ სამყაროს. ლიეტუვა იყო და იქნება უკრაინის გვერდით ყოველ ნაბიჯზე ამ მიზნისკენ, ჩვენ ვაკეთებთ და გავაგრძელებთ ყველაფრის გაკეთებას, რათა გამარჯვებამდე მივიდეთ, რათა სინათლემ ბოროტებაზე გაიმარჯვოს, რათა თავისუფალმა ხალხმა გაიმარჯვოს“,- განაცხადა პრემიერ-მინისტრმა.

ავტორი: ექსპრესნიუსი,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება