ღაზის სექტორში ცეცხლის შეწყვეტის შესახებ შეთანხმება უახლოეს დღეებში უნდა იყოს მიღწეული,- ამის შესახებ ამერიკის შეერთებული შტატების სახელმწიფო მდივანმა, ენტონი ბლინკენმა კატარში გამართული მოლაპარაკებების შემდეგ განაცხადა.

ბლინკენის თქმით, აშშ, კატარი და ეგვიპტე ყველაფერს გააკეთებენ, იმისათვის, რომ  “ჰამასმა“ მათ შეთავაზებას მხარი დაუჭიროს.

“მომდევნო დღეებში ჩვენ გავაკეთებთ ყველაფერს, რათა “ჰამასი“ დათანხმდეს შეთანხმებას და შემდეგ უზრუნველვყოთ, რომ მხარეები იმუშავებენ და დათანხმდებიან აუცილებელ დეტალებზე. ჩვენ უნდა მივაღწიოთ ცეცხლის შეწყვეტისა და მძევლების გათავისუფლების შესახებ შეთანხმებას და ეს ახლავე უნდა მოხდეს. დრო მნიშვნელოვანია, რადგანაც ყოველ დღის გასვლასთან ერთად მძევლების სიცოცხლე და კეთილდღეობა საფრთხეშია.

დრო გადამწყვეტია, რადგანაც ყოველ დღე ღაზაში მყოფი ბავშვები, ქალები, კაცები იტანჯებიან, რადგანაც არ აქვთ ადეკვატური წვდომა საკვებთან, მედიკამენტებთან და არიან დაშავებისა ან დაღუპვის საფრთხის წინაშე იმ ბრძოლაში, რომელიც მათ არ წამოუწყიათ და რომლის დასრულებაც მათ არ ხელეწიფებათ. დრო გადამწყვეტია, რადგანაც ყოველდღე არსებობს რეგიონში სიტუაციის ესკალაციის საფრთხე, რომლის თავიდან არიდებაზეც ჩვენ, კატარი და ეგვიპტე პირველი დღიდან, 7 ოქტომბრიდან ვმუშაობთ”,- აღნიშნა ბლინკენმა.

ავტორი: ექსპრესნიუსი,

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა