სოფელ როშკასა და არხოტის თემის სოფლების ახიელი–ჭიმღა–ამღას დამაკავშირებელი 25 კილომეტრიანი გზის მშენებლობა მიმდინარე წელს დაიწყება.
როგორც „ექსპრესნიუსს“ რეგიონული განვითარებისა და ინფრასტრუქტურის სამინისტროში განუცხადეს, მშენებლობისთვის გზის ტრასა და კოორდინატები უკვე დადგენილია.
სამშენებლო სამუშაოებზე კი, ტენდერის გამოცხადება 2015 წლის მეორე კვარტალში იგეგმება.
„გზის მშენებლობისთვის საპროექტო დოკუმენტაციის მომზადება დასრულებულია. ამჟამად პროექტი კანონმდებლობის შესაბამისად სამხარაულის სახელობის ექსპერტიზის ეროვნულ ბიუროში შესაბამის ექსპერტიზას გადის. ექსპერტიზის დასრულების შემდეგ პროექტზე სამშენებლო ტენდერი გამოცხადდება“, – აცხადებენ უწყებაში.
მათივე ინფორმაციით,  სამშენებლო სამუშაოების ღირებულება ტენდერის დასრულების შემდეგ დაზუსტდება. პროექტის განხორციელებისთვის საჭირო  თანხას კი, საქართველოს მთავრობა გამოყოფს.  
როშკა–არხოტის დამაკავშირებელი  გზის მშენებლობა 2 წელში დასრულდება.

„მოგეხსენებათ,  მშენებლობა მაღალმთიან ზონაში უნდა განხორციელდეს, სადაც ხანგრძლივი ზამთრის გამო სამშენებლო სამუშაოების განხორციელება წელიწადში მხოლოდ 6 თვეა შესაძლებელი. აქედან გამომდინარე პროექტის დასრულებას სამშენებლო სამუშაოების დაწყებიდან ორი წელი დასჭირდება“, – განუცხადეს „ექსპრესნიუსს“ სამინისტროში.

გარდა გზის მშენებლობისა, უწყების ინფორმაციით, არხოტში ჯერჯერობით სხვა ინფრასტრუქტურული პროექტის განხორციელება დაგეგმილი არ არის.  

ამ დროისთვის პირიქითა და პირაქეთა ხევსურეთის  დამაკავშირებელი მხოლოდ საცალფეხო ბილიკი არსებობს და ადგილობრივებმა  მხარე უგზოობისა და პირობების არ ქონის გამო დატოვეს.  არხოტში დაახლოებით 4 ოჯახი ცხოვრობს, გზის მშენებლობის შემთხვევაში კი, მშობლიურ მხარეში დაბრუნების მზაობა 30–ზე მეტმა  ოჯახმა გამოთქვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს