რუსეთის პრეზიდენტის პრესმდივანი დიმიტრი პესკოვი აცხადებს, რომ საპრეზიდენტო არჩევნებში კანდიდატურის მოხსნის შესახებ ჯო ბაიდენის გადაწყვეტილება არ გაჰკვირვებიათ.

მისი თქმით, რუსეთი ამერიკის შეერთებულ შტატებში მიმდინარე მოვლენებს აკვირდება.

“სიმართლე რომ ვთქვათ, ბოლო წლების განმავლობაში ამერიკის შეერთებულ შტატებში მიმდინარე მოვლენებმა გვასწავლა, რომ არაფერი უნდა გვიკვირდეს. ამიტომ დიდად გაოცებული არ ვიყავით. რა თქმა უნდა, ყურადღებით ვაკვირდებით იქ განვითარებულ მოვლენებს, მაგრამ ჩვენთვის ყველაზე მნიშვნელოვანი “სპეციალური სამხედრო ოპერაცია“ და ჩვენი მიზნებია“,- განაცხადა პესკოვმა.

შეგახსენებთ, გუშინ, 21 ივლისს ამერიკის შეერთებული შტატების მოქმედმა პრეზიდენტმა და "დემოკრატიული პარტიის" პრეზიდენტობის კანდიდატმა, ჯო ბაიდენმა საკუთარი კანდიდატურა მოხსნა. მანვე განაცხადა, რომ 2024 წლის საპრეზიდენტო არჩევნებზე "დემოკრატების" კანდიდატად მხარს ვიცე-პრეზიდენტ კამალა ჰარისს დაუჭერს.

ავტორი: ექსპრესნიუსი,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა