დარჩიაშვილი უსუფაშვილის განცხადებაზე: ეს იყო სიტყვიერი ხრიკი, ანუ, საქმის არსის გადატანა რაღაცა სიტყვიერ პაექრობაში და მაგიდის ჩოგბურთში

2016-02-16 14:03:34, 500 ნახვა

პოლიტიკა

"ეს იყო სიტყვიერი ხრიკი, ანუ, საქმის არსის გადატანა რაღაცა სიტყვიერ პაექრობაში და მაგიდის ჩოგბურთში",-ასე აფასებს "ერთიანი ნაციონალური მოძრაობის" წევრი დავით დარჩიაშვილი პარლამენტის თავმჯდომარის ოპოზიციისადმი მოწოდებას, რომ "სანამ სულ გვიან არ არის" 2016 წლის არჩევნების შემდეგ პროპორციულ სისტემაზე გადასვლის თაობაზე, მმართველი გუნდის მიერ მომზადებულ საკონსტიტუციო ცვლილებებს მხარი დაუჭირონ.

"ეს იყო სიტყვიერი ხრიკი, ანუ, საქმის არსის გადატანა რაღაცა სიტყვიერ პაექრობაში და მაგიდის ჩოგბურთში( მეტაფორა რომ ვიხმაროთ) იმიტომ, რომ 2016 წლის არჩევნები არის უმნიშვნელოვანესი ქვეყნის მომავალის განსაზღვრისთვის, ქვეყნის დემოკრატიულობის გაზომვისა და გაძლიერებისათვის. თუ აქ არ გვაქვს ამის საშუალება, რომ ეს ამოცანები გადავჭრათ, ახლა იმის შემდეგ რა მოხდება, ეს უკვე სულ სხვა საუბრის თემაა და ეს მომავალი, თუ რა და როგორ მოხდება, განისაზღვრება, ფორმა მიეცემა იმის მიხედვით, რა მოხდება 2016 წლის ოქტომბერში, ახლა რაღაცა მოდი მომავალზე ერთად ვიფიქროთ, ამ ლოგიკას რომ გავყვეთ, ფაქტობრივად, ჩვენც უსუფაშვილივით უნდა ჩავიქნიოთ ხელი 2016 წელზე, ეს ყველაფერი რაც უნდა მოხდეს და გადაწყდეს ახლა წელს გადავულოცოთ ივანიშვილს და შემდეგ რა გამოვა ამით? გამოვა ის, რომ ბევრად უფრო უარეს ვითარებაში აღმოვჩნდებით",-განუცხადა "ექსპრესნიუსს" დავით დარჩიაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან