2024-04-22 15:01:00, 446 ნახვა
მსოფლიო
ილჰამ ალიევი მოსკოვში ჩავიდა
აზერბაიჯანის პრეზიდენტი ილჰამ ალიევი მოსკოვში ჩავიდა. ვიზიტის ფარგლებში ის რუსეთის პრეზიდენტს, ვლადიმერ პუტინს შეხვდება. ამის შესახებ ინფორმაციას რუსული სამთავრობო მედია "რია ნოვოსტი" ავრცელებს.
როგორც მედია კრემლზე დაყრდნობით წერს, ილჰამ ალიევი და ვლადიმერ პუტინი განიხილავენ ქვეყნებს შორის ორმხრივ ურთიერთობებს და რეგიონულ პრობლემებს.
„ჩვენ გვაქვს ძალიან ბევრი საერთო ინტერესი, თანამშრომლობის დიდი პოტენციალი და რაც მთავარია, ჩვენი ორმხრივი ურთიერთობების მდიდარი ტრადიციები. ორივე მხრიდან არის პოლიტიკური ნება, ყველანაირად გავაგრძელოთ და განვავითაროთ ეს ურთიერთობები“, - განაცხადა კრემლის პრესმდივანმა, დიმიტრი პესკოვმა აზერბაიჯანზე საუბრისას.
ავტორი: ექსპრესნიუსი,
epn.ge (@expressnews.ge)
