ამერიკის შეერთებულმა შტატებმა ირანს აცნობა, რომ არ მონაწილეობდა სამხედრო მეთაურის წინააღმდეგ დამასკოს საჰაერო თავდასხმაში, - ამის შესახებ თეთრი სახლის პრესსპიკერმა, კარინ ჟან-პიერმა ბრიფინგზე განაცხადა.

თეთრი სახლის წარმომადგენლის თქმით, ვაშინგტონმა გააფრთხილა ირანი, რომ არ გამოიყენოს ეს დარტყმა რეგიონში ვითარების ესკალაციის საბაბად.

„ჩვენ ვაცნობეთ ირანს, რომ აშშ-ს არ მიუღია მონაწილეობა დამასკოში მომხდარ თავდასხმაში და გავაფრთხილეთ ირანი, რომ არ გამოიყენოს ეს თავდასხმა რეგიონში შემდგომი ესკალაციის საბაბად ან აშშ-ის ობიექტებსა თუ პერსონალზე თავდასხმისთვის“, - აღნიშნა პრესსპიკერმა.

შეგახსენებთ, 1-ელ აპრილს, სირიის დედაქალაქ დამასკოში, ირანის საკონსულოზე თავდასხმის შედეგად, ირანის ისლამური რევოლუციის გუშაგთა კორპუსის (IRGC) 7 წევრი დაიღუპა, მათ შორის  2 გენერალი იყო.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის