საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი და მინისტრის მოადგილე გოგი ფაცაცია კავკასიის გარემოსდაცვითი არასამთავრობო ორგანიზაციების ქსელის (CENN) ეკობანაკის მოსწავლეებს შეხვდნენ.

როგორც „ექსპრესნიუსს“ ლტოლვილთა და განსახლების სამინისტროდან აცნობეს, მაღალმთიანი აჭარის, ქვემო ქართლისა  და კახეთის რეგიონში არსებული ოთხი სკოლის 24 ეკომიგრანტ მოსწავლეს კვალიფიციურმა ექსპერტებმა ბიზნეს პროექტების შედგენასა და საკომუნიკაციო არხების მნიშვნელობის შესახებ 4-დღიანი ტრენინგი ჩაუტარეს.

მათივე ინფორმაციით, შეხვედრაზე, სოზარ სუბარმა მოსწავლეებს სამინისტროს მიერ ეკომიგრანტების განსახლების მიმართულებით განხორციელებული და მიმდინარე პროექტები გააცნო.

მინისტრის განცხადებით, მნიშვნელოვანია, რომ სამინისტრომ შეცვალა მიდგომა და ეკომიგრანტი ოჯახი თავისი სურვილის მიხედვით ირჩევს საცხოვრებელ ადგილსა და სახლს, რაც მათ  შემდგომ ინტეგრაციასა და ადაპტაციას უწყობს ხელს. სოზარ სუბარმა ასევე ისაუბრა ტრენინგების მნიშვნელობაზე და იმედი გამოთქვა, რომ მსგავსი შეხვედრები მომავალშიც გაგრძელდება.

შეხვედრაზე მინისტრმა ეკომიგრანტი მოსწავლეების მიერ დასმულ შეკითხვებსაც უპასუხა.

ორგანიზაცია CENN-მა ტრენინგის მონაწილე ყველა მოსწავლეს ინდივიდუალური საჩუქრები, ხოლო თითოეულ სკოლას მცირე ბიბლიოთეკა და გლობუსი გადასცა.

სამინისტრომ, კერძო სექტორთან თანამშრომლობით, მოსწავლეებს სპორტული ფეხსაცმელები გადასცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა