რუსეთში ორსკში, მეორე კაშხალი, რომელიც იცავდა ახალ მიკრორაიონებს, დაირღვა. სოფელ ნიკელში ელექტროენერგიის გათიშვა დაიწყო, მიმდინარეობს სასწრაფო ევაკუაცია. შესაძლო წყალდიდობის ზონაში ასევე შედის სოფლები სტროიტელი და ლესოტორგოვი. ამ დროისთვის, საგანგებო სიტუაციების სამინისტროს ინფორმაციით, ორსკში 1121 ადამიანის ევაკუაცია განხორციელდა. ქალაქში 2500-ზე მეტი სახლი დაიტბორა.

სააგენტოს პროექტის მიხედვით, გარღვეულ კაშხლების პასპორტში წერია, რომ ორივე მათგანზე მომხდარი ავარია გამოიწვევს „კატასტროფულ“ შედეგებს: წყალდიდობის ზონაში 15 კვ.კმ-მდე ტერიტორია იქნება, ზარალი კი აღწევს 5 მილიარდ რუბლს. დოკუმენტების მიხედვით, თუნდაც ერთი კაშხლის ჩავარდნა,  ფედერალური საგანგებო მდგომარეობაა.

ორენბურგის რეგიონის გუბერნატორმა, დენის პასლერმა, 2024 წლის წყალდიდობა უწოდა "ყველაზე მძიმე დაკვირვების ისტორიაში".

5 აპრილს, ორსკში, კაშხალი, რომელიც იცავდა ძველი ქალაქის რაიონს, გაარღვია ორენბურსკაიას ქუჩის მიდამოში. ამის შემდეგ ორენბურგის ოლქში საგანგებო მდგომარეობა გამოცხადდა და ადგილობრივი მოსახლეობის ევაკუაცია დაიწყო. მიზეზი ის იყო, რომ მდინარე ურალში წყლის დონე ძალიან მაღალი იყო: წყალი 9,6 მეტრზე მაღლა აიწია, ხოლო კაშხალი 5,5 მეტრზე იყო გათვლილი.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის