რუსეთის უშიშროების საბჭოს თავმჯდომარის მოადგილემ და ყოფილმა პრეზიდენტმა დიმიტრი მედვედევმა თავის ტელეგრამის არხზე განაცხადა, რომ ტერორისტებს მხოლოდ საპასუხო ტერორი ესმით და ძალას ძალით უნდა დაუპირისპირდეს.

„თუ დადგინდა, რომ ესენი არიან კიევის რეჟიმის ტერორისტები, შეუძლებელია მათთან და მათ იდეოლოგიურ ინსპირატორებთან სხვაგვარად მოქცევა. ყველა მათგანი უნდა მოიძებნოს და უმოწყალოდ განადგურდეს, როგორც ტერორისტები. მათ შორის იმ სახელმწიფოს ოფიციალური პირები, რომლებმაც ჩაიდინეს ასეთი სისასტიკე“, - წერს ის.

„დეგენერატები, რომლებმაც ჩაიდინეს ეს ამაზრზენი ტერაქტი, უნდა განადგურდნენ“, - შეუერთდა მას სახელმწიფო დუმის სპიკერი ვიაჩესლავ ვოლოდინი.

რუსეთის პრეზიდენტის ვლადიმერ პუტინის პრესმდივანმა დიმიტრი პესკოვმა პირველად ისაუბრა Crocus-ის სტუმრებზე თავდასხმის შესახებ, მას ციტირებს რამდენიმე რუსული საინფორმაციო სააგენტო.

პესკოვის თქმით, პუტინი სროლის დაწყების შესახებ მისი დაწყებიდან პირველ წუთებში იყო ინფორმირებული. პესკოვმა დასძინა, რომ პუტინი მუდმივად იღებს ინფორმაციას იმის შესახებ, თუ რა ხდება და რა ზომებია მიღებული ყველა შესაბამისი სამსახურის მეშვეობით. მან მისცა "ყველა საჭირო მითითება".

საგარეო საქმეთა სამინისტროს წარმომადგენელმა მარია ზახაროვამ მომხდარს სისხლიანი ტერაქტი უწოდა - მთელი მსოფლიო საზოგადოება, მისი თქმით, ვალდებულია დაგმოს ეს საზარელი დანაშაული.

მან ასევე კომენტარი გააკეთა აშშ-ს წარმომადგენლების სიტყვებზე, რომ მომხდარში უკრაინა არ მონაწილეობდა. ზახაროვამ განაცხადა, რომ თეთრ სახლს არავის აქვს ინდულგენციის მიცემის უფლება.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის