მოლდოვა ახლა გზაჯვარედინზეა და ევროკავშირში გაწევრიანების მოლაპარაკებების დაწყება ჩვენი ქვეყნის გაერთიანების ისტორიული შესაძლებლობაა, - ამის შესახებ მოლდოვის პრეზიდენტმა, მაია სანდუმ დნესტრისპირეთის კონფლიქტში დაღუპულთა ხსოვნისადმი მიძღვნილ ცერემონიაზე განაცხადა.

როგორც მოლდოვის პრეზიდენტი აღნიშნავს, მოლდოვის საზოგადოებაში უთანხმოების ჩამოგდებას ვერავინ შეძლებს.

„როდესაც ვიხსენებთ 1992 წელს დნესტრზე მომხდარ საბრძოლო მოქმედებებს, ჩვენ პირობას ვდებთ, რომ არ დაუშვებთ ამ ტრაგედიის განმეორებას. და მაშინაც კი, თუ არსებობენ ძალები, რომლებიც აგრძელებენ ჩვენს შორის უნდობლობისა და უთანხმოების დათესვას, მე გარკვევით და ხმამაღლა ვამბობ: მათ არ გამოუვათ - არც ახლა და არც მომავალში.

დნესტრის ორივე მხარეს ხალხს არაფერი აქვს გასაყოფი, სადაც არ უნდა ცხოვრობდნენ – კიშინეუში თუ ტირასპოლში, ბელციში თუ ბენდერიში, კომრატიში თუ ტარაკლიაში. მოლდოვის ხალხი მშვიდობასა და თავისუფლებას ისე აფასებს, როგორც არასდროს“, - განაცხადა მაია სანდუმ.

ავტორი: ექსპრესნიუსი,

სოციალური ქსელები

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს