2024-02-17 12:04:41, 1210 ნახვა
მსოფლიო
ალექსეი ნავალნის ხსოვნისადმი მიძღვნილ აქციებზე რუსეთის ქალაქებში 100-ზე მეტი ადამიანი დააკავეს
ალექსეი ნავალნის ხსოვნისადმი მიძღვნილ აქციებზე რუსეთის ქალაქებში 100-ზე მეტი ადამიანი დააკავეს. ამის შესახებ ინფორმაციას რუსული მედია უფლებადამცველ ორგანიზაციაზე დაყრდნობით ავრცელებს.
მედიის ცნობით, სტიქიური აქციები რუსეთის რვა ქალაქში გაიმართა და პოლიციამ მოქალაქეები დააკავა მოსკოვში, სანკტ-პეტერბურგში, კრასნოდარში, ტვერში, ტაგანროგში, ნიჟნი ნოვგოროდში, როსტოვსა და მურმანსკში.
ყველაზე მეტი, 52 ადამიანი ქალაქ პეტერბურგში დააკავეს.
შეგახსენებთ, რომ ცოტა ხნის წინ რუსეთის სასჯელაღსრულების ფედერალურმა სამსახურმა რუსი ოპოზიციონერის, ალექსეი ნავალნის გარდაცვალების შესახებ ინფორმაცია გაავრცელა.
ავტორი: ექსპრესნიუსი,
epn.ge (@expressnews.ge)
