2024-02-14 14:31:06, 777 ნახვა

---

დაცულ ტერიტორიებზე არსებული რეკრეაციული სერვისებისა და პროდუქტების განვითარების საკითხებთან დაკავშირებით სამუშაო შეხვედრა გაიმართა

დაცულ ტერიტორიებზე არსებული რეკრეაციული სერვისებისა და პროდუქტების განვითარების საკითხები დაცული ტერიტორიების სააგენტოში სამუშაო შეხვედრაზე განიხილეს. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, კავკასიის ბუნების ფონდის (CNF) კონსულტანტებმა წარმოადგინეს კონცეფციის დოკუმენტის პირველადი ვერსია, რომელიც მოიაზრებს დაცულ ტერიტორიებზე სხვადასხვა რეკრეაციული აქტივობის განვითარების და ვიზიტორებზე მეტად მორგებული მომსახურებების დანერგვის შესაძლებლობას.

"შეხვედრა GEF/UNDP-ის პროექტის „დაცული ტერიტორიების სისტემის ფინანსური მდგრადობის გაძლიერება საქართველოში“ ფარგლებში გაიმართა. აღნიშნული პროექტი მიზნად ისახავს ბიომრავალფეროვნების კვლევა/მონიტორინგს, სტრატეგიული დოკუმენტების შემუშავებას, დაცული ტერიტორიების სისტემის ფინანსური მდგრადობის გაუმჯობესებას, მისი შემოსავლების ზრდის საშუალებებისა და მეთოდების კვლევის განხორციელების გზით.

სამუშაო შეხვედრას დაცული ტერიტორიების სააგენტოს თავმჯდომარის მოადგილეები თამარ ხახიშვილი, თომა დეკანოიძე და ბესიკ კუსიდი, ასევე, კავკასიის ბუნების ფონდის (CNF) კონსერვაციის რეგიონალური დირექტორი თამარ პატარიძე და ფონდის კონსულტანტები, მარტვილისა და ოკაცეს ბუნების ძეგლების, ლაგოდეხის დაცული ტერიტორიების და მტირალას ეროვნული პარკის ადმინისტრაციების დირექტორები და თანამშრომლები ესწრებოდნენ",- აღნიშნულია ინფორმაციაში.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი