საქართველოში 2023 წელს ადამიანის უფლებების მდგომარეობა "არათანაბარი იყო", - ამის შესახებ უფლებადამცველი ორგანიზაცია Human Rights Watch-ის ანგარიშშია აღნიშნული.

როგორც ანგარიშში ვკითხულობთ, ხელისუფლება ცდილობდა, მიეღო კანონმდებლობა "უცხოური აგენტების" შესახებ, რომელიც "გამოხატვის თავისუფლებას გამოუთხრიდა ძირს".

"კვლავ შენარჩუნდა ანგარიშვალდებულების ნაკლებობა სამართალდამცავი ორგანოების მხრიდან უფლებამოსილების ბოროტად გამოყენებაზე, განსაკუთრებით, როცა საქმე ეხებოდა შეკრების თავისუფლებას. ადამიანის უფლებათა კუთხით სხვა საკითხები მოიცავს შეზღუდვებსა და თავდასხმებს მედიის თავისუფლებაზე, ისევე, როგორც შრომით უფლებებს. ადამიანის უფლებათა ეროვნულმა სტრატეგიამ ვერ მოიცვა ლესბოსელი, გეი, ბისექსუალი და ტრანსგენდერი (ლგბტ) ადამიანების უფლებები", - წერია ანგარიშში.

ანგარიშის მიხედვითვე, სპეცრაზმმა გამოიყენა წყლის ჭავლი და დიდი რაოდენობით ცრემლსადენი გაზი ათასობით მშვიდობიანი დემონსტრანტის დასაშლელად, რომლებიც "აგენტების კანონს" აპროტესტებდნენ, ხოლო სპეციალურმა საგამოძიებო სამსახურმა, საპროტესტო აქციების დროს პოლიციის ქმედებებზე გამოძიება დაიწყო მას შემდეგ, რაც მიიღო 124 საჩივარი ძალადობის შესახებ.

ანგარიშში ასევე მოხვდა "თბილისი პრაიდის" ფესტივალიც, რომელიც ძალადობრივი დაჯგუფება "ალტ-ინფოს" დარბევის გამო გაუქმდა.

ავტორი: ექსპრესნიუსი,

სოციალური ქსელები

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს