2023-12-05 18:36:09, 792 ნახვა
მსოფლიო
მედია - მაკრონმა უკრაინის საკითხის განსახილველად ორბანი პარიზში მიიწვია
საფრანგეთის პრეზიდენტმა, ემანუელ მაკრონმა უნგრეთის პრემიერ-მინისტრი ვიქტორ ორბანი პარიზში, უკრაინის საკითხის განსახილველად მიიწვია. ამის შესახებ ინფორმაციას გამოცემა Politico ოფიციალურ წყაროზე დაყრდნობით ავრცელებს.
როგორც გამოცემა წერს, საფრანგეთის პრეზიდენტი თვლის, რომ ვიქტორ ორბანის დარწმუნება შეიძლება, რათა მან უკრაინის ევროკავშირში გაწევრიანების შესახებ მოლაპარაკებების დაწყებას მხარი დაუჭიროს.
"ეს არის წმინდა ტაქტიკური მომენტი. ამიტომ, არის გარკვეული ოპტიმიზმი, რომ შეთანხმებას მივაღწიოთ", - განუცხადა წყარომ გამოცემას.
ავტორი: ექსპრესნიუსი,
epn.ge (@expressnews.ge)
