მოკავშირეებში არ არსებობს კითხვის ნიშანი იმასთან დაკავშირებით, უნდა გაგრძელდეს თუ არა უკრაინის მხარდაჭერა, - ამის შესახებ აშშ-ის სახელმწიფო მდივანმა, ენტონი ბლინკენმა განაცხადა.

ბლინკენის თქმით, მოკავშირეები ახლა დახმარებას უწევენ უკრაინას, რათა არა მხოლოდ დაიცვას საკუთარი თავი, არამედ განავითაროს სამხედრო შესაძლებლობები, რათა შესაძლო სამომავლო აგრესიის შეკავებას შეძლოს. 

„უნდა გითხრათ: როცა მაგიდის ირგვლივ ყველა ჩვენს კოლეგას ვუსმენდი, ყველა ლაპარაკობდა უკრაინის ძლიერი და გრძელვადიანი მხარდაჭერის საჭიროებაზე. ზოგიერთმა დასვა კითხვა, უნდა გააგრძელონ თუ არა შეერთებულმა შტატებმა და ნატოს სხვა მოკავშირეებმა უკრაინის მხარდაჭერა... პასუხი დღეს ნატოში არის ძალიან მკაფიო და ურყევი: ჩვენ უნდა და დავუჭიროთ მხარი უკრაინას. იმის უზრუნველყოფა, რომ რუსეთის აგრესიული ომი მისი სტრატეგიული დამარცხება შესაძლებელი გახდეს, ახლა ისეთივე მნიშვნელოვანია, როგორც ეს იყო იმ მომენტში, როდესაც კრემლმა ომი დაიწყო. ფსონები ყველასთვის ნათელია... ჩვენ უნდა გავაგზავნოთ მკაფიო გზავნილი, რომ მსოფლიოს არცერთ ქვეყანას არ შეუძლია ძალით შეცვალოს საზღვრები. ეს არის თითოეული მოკავშირის ინტერესებში და იმ ბევრი ქვეყნის ინტერესებშიც, რომლებიც არ არიან ალიანსის წევრები", - განაცხადა ბლინკენმა.

ავტორი: ექსპრესნიუსი,

სოციალური ქსელები

Financial Times: აშშ უკრაინას რუსეთის ნავთობობიექტებზე თავდასხმებში ეხმარება

გერმანიის სამხედრო ხარჯები ცივი ომის შემდეგ უნახავ დონეს მიაღწევს

„როსატომმა“ კურსკის ატომურ ელექტროსადგურზე დრონებით თავდასხმის შესახებ განაცხადა

ISW: რუსეთის არმიის რეალური წარმატებები უკრაინაში პუტინის მიერ განცხადებულზე ხუთჯერ ნაკლები აღმოჩნდა