ამერიკის შეერთებული შტატების მომდევნო პრეზიდენტად დონალდ ტრამპის არჩევა ევროპისთვის კატასტროფული იქნება,- ამის შესახებ გერმანიის თავდაცვის მინისტრი ბორის პისტორიუსი აცხადებს.

როგორც პისტორიუსმა ბერლინის საგარეო პოლიტიკის ფორუმზე სიტყვით გამოსვლისას თქვა, თუ შეერთებული შტატების მოქმედ პრეზიდენტ ჯო ბაიდენს ხელახლა აირჩევენ, "ბევრად უკეთესი" იქნება. 

გერმანიის თავდაცვის მინისტრი ფიქრობს, რომ ბაიდენის დროსაც კი, "განჭვრეტადია, აშშ ყურადღებას უფრო მეტად ინდო-წყნარი ოკეანისკენ გადაიტანს".

"თუ ამას გააკეთებენ, ევროპაში ჩართულობის იმავე დონის შენარჩუნებას, ალბათ, ვერ შეძლებენ. ეს ნიშნავს, რომ ევროპელებს ნატოს ფარგლებში მეტი პასუხისმგებლობის აღება მოუწევთ",- აცხადებს პისტორიუსი.

მისივე თქმით, ევროპელებმა შეიარაღებაში თანამშრომლობა უნდა გააძლიერონ.

თავდაცვის მინისტრის განცხადებით, ევროპელებს შორის შეიარაღების სფეროში თანამშრომლობა ორიენტირებული თავსებადი სისტემების შექმნაზე უნდა იყოს.

ავტორი: ექსპრესნიუსი,

სოციალური ქსელები

ტრამპი: ერაყში მეტი ჯარისკაცი არ გვჭირდება

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს