2023-11-13 09:26:38, 820 ნახვა
მსოფლიო
ჯანმო - ღაზას უდიდესმა საავადმყოფომ, ალ-შიფამ ფუნქციონირება შეწყვიტა
ღაზას უდიდესმა საავადმყოფომ, ალ-შიფამ ფუნქციონირება შეწყვიტა. აღნიშნულის შესახებ ინფორმაციას Reuters-ი ჯანდაცვის მსოფლიო ორგანიზაციაზე დაყრდნობით ავრცელებს.
ორგანიზაციის განცხადებით, საავადმყოფოში მძიმე ვითარებაა, ელექტროენერგია თითქმის სრულადაა გათიშული და საკვებისა და წყლის დეფიციტია.
ამასთან, ორგანიზაციის ხელმძღვანელის, ტედროს ადჰანომ გებრეიესუსის განცხადებით, საავადმყოფოს მიმდებარე ტერიტორიის მუდმივმა დაბომბვამ გარემოებები გაამწვავა.
Reuters-ის ცნობით, ისრაელის სამხედროები მზად არიან, რომ ათობით ახალშობილის ევაკუაცია განახორციელონ და ისინი სხვა საავადმყოფოში გადაიყვანონ.
ავტორი: ექსპრესნიუსი,
epn.ge (@expressnews.ge)
