2023-11-02 15:17:14, 803 ნახვა

---

ჯაღმაიძე - სინოდზე მიმოხილული იყო ოკუპირებულ ტერიტორიებზე ჩვენი ტაძრების მდგომარეობა, პოლიტიკური და საომარი ვითარებები

მიმოხილული იყო ოკუპირებულ ტერიტორიებზე ჩვენი ტაძრების მდგომარეობა, ასევე პოლიტიკური და საომარი ვითარებები, რაც ჩვენი რეგიონის ახლომახლო და სამეზობლოდ ხდება, - ამის შესახებ საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა, ანდრია ჯაღმაიძემ წმინდა სინოდის სხდომის დასრულების შემდეგ განაცხადა.

ჯაღმაიძის თქმით, სინოდზე არ განხილულა "მძიმე საკითხები", რომელთა შორისაა, პატრიარქის გადადგომა და ტახტის მოსაყდრე შიოსთვის უფლებამოსილების გაზრდა.

"ის მძიმე საკითხები, რომელზეც იყო საუბარი, არ გამართლდა მორიგ ჯერზე, ამიტომ, დავიმახსოვროთ ეს ყველამ ერთად და ტყუილად ნუ შევიყვანთ მოსახლეობას შეცდომაში.

მიმოხილული იყო ოკუპირებულ ტერიტორიებზე ჩვენი ტაძრების მდგომარეობა, იმ ეპარქიების მდგომარეობა, სადაც ოკუპაციის ხაზი გადის, მიმოხილული იყო ეპარქიები, რომლებიც მაღალმთიან რეგიონში არის განთავსებული, ასევე, ზოგადად, იყო პოლიტიკური და საომარი ვითარებები განხილული, რაც ჩვენი რეგიონის ახლომახლო და სამეზობლოდ ხდება. ეს საკითხები იყო ძირითადად", - განაცხადა ჯაღმაიძემ.

შეგახსენებთ, სინოდის სხდომა წელს მეორედ ჩატარდა, პირველად წმინდა სინოდი მიმდინარე წლის 14 თებერვალს შეიკრიბა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი