საქართველოში არ უშვებენ უკრაინელ ყოფილ პატიმრებს, რომლებიც 2022 წლის შემოდგომაზე რუსეთმა ხერსონიდან იძულებით რუსულ კოლონიებში გადაიყვანა, სასჯელის ვადის გასვლის შემდეგ კი, მათი დეპორტაცია მოახდინა და 8 წლით რუსეთში შესვლა აუკრძალა. აღნიშნულის შესახებ ინფორმაციას გამოცემა Meduza ავრცელებს.

Meduza-ს ცნობით, საუბარია შვიდ ადამიანზე, რომელთაგან ოთხს უკრაინული პასპორტი, ხოლო სამს მხოლოდ რუსეთის კოლონიებიდან გათავისუფლების მოწმობა აქვს.

როგორც გამოცემას ორგანიზაცია Volunteers Tbilisi-ში განუცხადეს, შვიდკაციანმა ჯგუფმა ზემო ლარსიდან საზღვრის გადმოკვეთა 11 ოქტომბერს სცადა, თუმცა, მესაზღვრეებმა მათ ამის საშუალება არ მისცეს, რადგან ქართული მხარე უკრაინის საგარეო საქმეთა სამინისტროს პასუხს ელოდება.

"ყველა ჩვენგანი უკრაინის მოქალაქეა და ჩვენ მხოლოდ სახლში დაბრუნება გვსურს", - განუცხადა ბუფერულ ზონაში მყოფმა ერთ-ერთმა ყოფილმა პატიმარმა Meduza-ს.

გამოცემის ცნობითვე, უკრაინის მოქალაქეებმა დახმარებისთვის უკრაინის საელჩოს საქართველოში, გაეროსა და ადამიანის უფლებათა ევროპულ სასამართლოს მიმართეს, თუმცა ამ დრომდე პრობლემა არ მოგვარებულა.

ავტორი: ექსპრესნიუსი,

სოციალური ქსელები

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი

ქუთაისში, იოსელიანის ქუჩაზე ხარაჩო ჩამოიშალა და მუშა მოიყოლა, ის გარდაიცვალა