დიდი ბრიტანეთის თავდაცვის ახალი მინისტრი გრანტ შაპსი კიევში, უკრაინის პრეზიდენტს, ვოლოდიმირ ზელენსკის შეხვდა. აღნიშნულის შესახებ ინფორმაციას უკრაინის პრეზიდენტის ადმინისტრაცია ავრცელებს.

ადმინისტრაციის ცნობით, ზელენსკიმ მადლობა გადაუხადა დიდ ბრიტანეთს ომის დროს უკრაინის ფინანსური, თავდაცვითი და ჰუმანიტარული მხარდაჭერისთვის.

"მთელი ერის სახელით მადლობას გიხდით ყველაფრისთვის, რასაც ჩვენთვის აკეთებთ. მადლობელი ვართ თქვენი დახმარებისთვის - სამხედრო, ფინანსური, ჰუმანიტარული. ჩვენ ვაფასებთ, რომ შეგვიძლია, თქვენი იმედი ვიქონიოთ",- განაცხადა ზელენსკიმ.

ადმინისტრაციის ცნობითვე, შეხვედრაზე მხარეებმა უკრაინის საჰაერო თავდაცვის გაძლიერების საკითხი განიხილეს.

"ვოლოდიმირ ზელენსკიმ შეაქო გაერთიანებულ სამეფოსთან თავდაცვის სექტორში თანამშრომლობის დონე, რაც უკრაინის არმიას საშუალებას აძლევს, მნიშვნელოვნად გააფართოოს თავისი შესაძლებლობები ბრძოლის ველზე, კერძოდ, შორი დისტანციური იარაღის საშუალებით.

გარდა ამისა, უკრაინის პრეზიდენტმა ასევე შეაქო ვილნიუსში, ნატოს სამიტზე შვიდი ჯგუფის მიერ უკრაინის მხარდაჭერის ერთობლივი დეკლარაციის მიღება და გაერთიანებულ სამეფოსთან მოლაპარაკებების დაწყება უკრაინის უსაფრთხოების გარანტიებზე ორმხრივი შეთანხმების შესახებ",- აღნიშნულია უკრაინის პრეზიდენტის ადმინისტრაციის ინფორმაციაში.

ავტორი: ექსპრესნიუსი,

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO (რ)

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას