თბილისის ვიცე-მერის, ირაკლი ხმალაძის განცხადებით, წყნეთში მომხდარ უბედურ შემთხვევაზე გამოძიება დაწყებულია და ყველა გარემოებას დაადგენენ სამართალდამცავი ორგანოები. მან მიმართა საზოგადოებას, რომ თავი შეიკავონ ქსელზე უკანონო დაერთებისგან.

„პირველ რიგში, მწუხარებას გამოვთქვამ მომხდართან დაკავშირებით. არ მაქვს სურვილი, გავასწრო მოვლენებს. ყველამ კარგად ვიცით, რომ ძალოვანი უწყებები ამ გარემოებებს იკვლევენ. დადგინდება ყველა  საჭირო გარემოება და ყველა კითხვას გაეცემა პასუხი. არ მინდა, ჩემი განცხადებებით ზედმეტი ინფორმაცია გავცე, ან ხელი შევუშალო საგამოძიებო პროცესებს. რაც ნიშანდობლივია - უკანონოდ დაერთებულმა ქსელმა ადამიანის სიცოცხლე შეიწირა. მინდა, ყველა ადამიანს მივმართო, ვისაც მსგავსი რამ განზრახული აქვს - უკანონოდ შეჭრა ქსელზე, ეს არის დენთან თამაში და არაფრით შეიძლება. ეს არის ერთადერთი, რაც ვიცი, რაც მიზეზობრივ კავშირშია მომხდარ ტრაგედიასთან. ჩემი აზრით, ეს, ასევე, გადის იმ ადამიანების პასუხისმგებლობაზე, რომლებმაც ეს უკანონო ქმედება ჩაიდინეს. გასწია თუ არა ვინმემ ამის სათანადო მონიტორინგი და ვის ევალებოდა ეს, ამაზე პასუხი საგამოძიებო პროცესმა უნდა გასცეს“, - განაცხადა ირაკლი ხმალაძემ.

ავტორი: NS (სტატია დაფინანსებულია),

სოციალური ქსელები

19 ივლისს უმეტეს რეგიონში მოსალოდნელია წვიმა, ელჭექი, სეტყვა

რუსეთში ათასობით ტურისტული სააგენტოს დახურვა დაიწყო

ფიფა 2026 წლის მსოფლიო ჩემპიონატის ფინალის გადადებას ხანძრების გამო გამორიცხავს - Bloomberg

ზელენსკი სირსკის შემცვლელად მუშაობას განიხილავს - FT