2023-07-08 11:26:02, 898 ნახვა
მსოფლიო
ერდოღანი - უკრაინა იმსახურებს, იყოს NATO-ს წევრი
უკრაინა იმსახურებს, იყოს NATO-ს წევრი,- ამის შესახებ თურქეთის პრეზიდენტმა, რეჯეფ თაიფ ერდოღანმა განაცხადა.
ერდოღანის თქმით, სამართლიანი მშვიდობის დადგომით "არავინ არ წააგებს"
"უკრაინა იმსახურებს, იყოს NATO-ს წევრი. და კიდევ ერთხელ, თქვენი თანდასწრებით, მინდა ხაზგასმით აღვნიშნო, რომ არავინ წააგებს სამართლიანი მშვიდობის დადგომით",- განაცხადა ერდოღანმა.
მისივე თქმით, თურქეთი უკრაინას "ფეხზე წამოდგომაში" დაეხმარება.
"ჩვენი სამშენებლო კომპანიები, რომლებიც უკრაინაში ბაზარზე ლიდერობენ, ჩვენს უკრაინელ მეგობრებს თავიანთი ქვეყნის აღდგენაში დაეხმარებიან",- დასძინა ერდოღანმა.
შეგახსენებთ, რომ გუშინ, 6 ივლისს უკრაინის პრეზიდენტი ვოლოდიმირ ზელენსკი თურქეთში ჩავიდა, სადაც თავის თურქ კოლეგასთან, რეჯეფ თაიფ ერდოღანთან შეხვედრა გამართა.
ავტორი: ექსპრესნიუსი,
epn.ge (@expressnews.ge)
