2023-06-06 12:53:53, 1407 ნახვა
ომი უკრაინაში
მიშელი კახოვკის აფეთქებაზე - რუსეთი და მისი მარიონეტები პასუხს აგებენ
შოკირებული ვარ ნოვა კახოვკას კაშხლის უპრეცედენტო თავდასხმით,- ამის შესახებ ევროპული საბჭოს პრეზიდენტი შარლ მიშელი Twitter-ზე წერს.
მიშელის თქმით, სამოქალაქო ინფრასტრუქტურის განადგურება კვალიფიცირდება როგორც ომის დანაშაული.
"შოკირებული ვარ ნოვა კახოვკის ჰიდროელექტროსადგურზე უპრეცენდენტო თავდასხმით. სამოქალაქო ინფრასტრუქტურის განადგურება აშკარად წარმოადგენს ომის დანაშაულს - რუსეთი და მისი მარიონეტები პასუხს აგებენ",- წერს მიშელი.
ცნობისთვის, დღეს დილით რუსმა ოკუპანტებმა კახოვკას ჰიდროელექტროსადგური ააფეთქეს.
ხერსონის სამხედრო ადმინისტრაციის ხელმძღვანელის, ალექსანდრ პროკუდის თქმით, დაწყებულია ადგილობრივი მოსახლეობის ევაკუაცია, ვინაიდან წყალი კრიტიკულ დონეს 5 საათში მიაღწევს და მაღალია სხვადასხვა ქალაქის დატბორვის რისკი.
ავტორი: ექსპრესნიუსი,
epn.ge (@expressnews.ge)
