საქართველოს სამედიცინო ტურიზმის ალიანსის ორგანიზებით დღეს, სასტუმრო "ლიც რეზორტში", პირველი ქართული სამედიცინო ტურიზმის ფორუმი "მედეა" გაიხსნა.

ფორუმის გახსნას აჭარის ჯანმრთელობისა და სოციალური დაცვის მინისტრი, ნინო ნიჟარაძე პირველ მოადგილესთან, მარი ზანაქიძესთან ერთად დაესწრო. 

"მნიშვნელოვანი ფაქტია ის, რომ საქართველო მასპინძლობს  ქართული სამედიცინო ტურიზმის პირველ ფორუმს. მონაწილეებს საშუალება ეძლევათ პირადად გაეცნონ საქართველოს სამედიცინო ექსპორტის ძირითად სერვისებს, რაც საშუალებას აძლევს დამსწრეებს მიიღონ საჭირო ინფორმაცია მკურნალობის უახლოეს მიღწევებზე“, - აღნიშნა სიტყვით გამოსვლისას მინისტრმა, ნინო ნიჟარაძემ.

აჭარის ჯანდაცვის სამინისტროს ცნობით, ფორუმი მოიცავს ისეთ საკითხებს, როგორიცაა ფაგიო თერაპია, გამაჯანსაღებელი პროცედურები, დეტოქსი, კოსმეტიკური და პლასტიკური ქირურგია, სტომატოლოგია, თმის გადანერგვა და სხვა.

ფორუმის მიზანია, ქართული სამედიცინო ტურიზმის საერთაშორისო პლატფორმებზე წარმოჩენა,  რეგულარული ღონისძიებების გამართვა ეროვნული სამედიცინო ტურიზმის პოპულარიზაციისთვის და ამ მიმართულებით კერძო და სახელმწიფო სექტორებს შორის თანამშრომლობა.

ავტორი: NS (სტატია დაფინანსებულია),

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა