მოსკოვთან მოლაპარაკებები შესაძლებელია მხოლოდ უკრაინის ტერიტორიიდან რუსეთის ძალების სრულად გაყვანის შემდეგ,- ამის შესახებ უკრაინის საგარეო საქმეთა სამინისტროში აცხადებენ.

უკრაინის საგარეო საქმეთა სამინისტროს ოფიციალური წარმომადგენელი ოლეგ ნიკოლენკო გამოეხმაურა უნგრეთის პრემიერ-მინისტრის, ვიქტორ ორბანის განცხადებას, რომელიც რუსეთ-უკრაინის ომის სამშვიდობო მოლაპარაკებების დასრულების ინიციატივით გამოვიდა.

როგორც ნიკოლენკომ აღნიშნა, ცეცხლის შეწყვეტა იქამდე, სანამ რუსეთი თავის ჯარს უკრაინის ტერიტორიიდან არ გაიყვანს, იქნება უპირატესობა რუსეთისთვის, რომელსაც მიეცემა საშუალება, ჯარების გადაჯგუფების და აგრესიის ახალი ტალღის მომზადების. ამასთან, მან დასძინა, რომ უკრაინის ქალაქებზე რუსეთის მუდმივი სარაკეტო დარტყმები და დრონებით იერიშები აშკარა მტკიცებულებაა, რომ მოსკოვი არ განიხილავს სხვა სცენარებს, გარდა ომის გაგრძელებისა.

"ცეცხლის შეწყვეტა გამოიღებს სტატუსკვოს გაყინვას, რუსეთს გადაჯგუფების, ძალების მობილიზების შესაძლებლობას მისცემს და აგრესიის ახალ ტალღას გამოიწვევს. ეს დამტკიცებულია 2014-2022 წლების გამოცდილებით.

ამავე დროს, ჩვენ ვითვალისწინებთ ვიქტორ ორბანის განცხადებას, რომ მისთვის რთულია, იყოს ევროკავშირში ერთადერთი პრემიერ-მინისტრი, რომელიც მშვიდობას უჭერს მხარს. იმისთვის, რომ შევუმსუბუქოთ მას სიტუაცია, მოვუწოდებთ უნგრეთის მთავრობის მეთაურს, დაიწყოს მოქმედება. მაგალითად, დაგმოს რუსეთის აგრესია, მოითხოვოს მოსკოვისგან ომის შეწყვეტა და რუსეთის არმიის რუსეთის ტერიტორიაზე დაბრუნება, შეუერთდეს რუსეთის საერთაშორისო იზოლაციის ზომებს, ძირი არ გამოუთხაროს ევროკავშირის ერთიანობას“, - განაცხადა ნიკოლენკომ.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”