რუსეთის მიერ დეპორტირებული 371 ბავშვი უკრაინაში დაბრუნდა,- აღნიშნულის შესახებ უკრაინის პრეზიდენტმა, ვოლიდიმირ ზელენსკიმ განაცხადა.

ზელენსკის თქმით, უკრაინაში გეგმა Bring Kids Back UA-ია ამუშავებული, რომელიც რუსეთის მიერ დეპორტირებული ბავშვების დასაბრუნებლად უკრაინის ხელისუფლების, პარტნიორი ქვეყნებისა და საერთაშორისო ორგანიზაციების ძალისხმევით მოქმედებს.

"ჩვენ გვსურს, ბავშვები უკრაინაში რაც შეიძლება მალე დავაბრუნოთ, სანამ ისინი ჯერ კიდევ ბავშვები არიან. ეს არის ყველაზე მთავარი! ბავშვთა დაცვის ცენტრის გახსნისას, რომელიც დაუპირისპირდება რუსეთის დანაშაულებებს უკრაინელი ბავშვების მიმართ, გავეცანი Bring Kids Back UA-ს სამოქმედო გეგმას. უკრაინის მთავრობა, უცხოური მთავრობები და საერთაშორისო ორგანიზაციები აერთიანებენ ძალებს უკრაინის ყველა ახალგაზრდა მოქალაქის სამშობლოში დასაბრუნებლად.

პირველი ნაბიჯი უკვე გადაიდგა - 371 უკრაინელი ბავშვი სახლშია. ჩვენ გვინდა ყველას დაბრუნება და ალბათ, მთავარი მნიშვნელობა პროგრამის სახელშია: Bring Kids Back UA. გულწრფელად ვუსურვებ ყველა ბავშვის დაბრუნებას სახლში და მე სრულად ვუჭერ მხარს ამ პროგრამას. მადლობა ყველას, ვინც ეხმარება უკრაინას ამ გზაზე",- განაცხადა ზელენსკიმ.

ცნობისთვის, ომის დაწყებიდან დღემდე, რუსეთის ფედერაციის ტერიტორიაზე უკრაინელი ბავშვების იძულებით გაყვანის 19 000-ზე მეტი შემთხვევა დაფიქსირდა. 

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”