გარდაცვლილი პროგრამისტის, თამარ ბაჩალიაშვილის უფლებადამცველები პროკურატურას საქმის ხელახალი გამოძიების მოთხოვნით მიმართავენ.

ადვოკატ მიხეილ რამიშვილის განცხადებით, თამარ ბაჩალიაშვილის საქმის განახლება აუცილებელია.

"საქმე უნდა განახლდეს აუცილებლად. ჩვენ გვქონდა შემხებლობა მტკიცებულებებთან და რომ არ გააკეთონ ეს, ჩვენ გვაქვს სხვა გეგმა. ყველა მეთოდს გამოვიყენებთ - საერთაშორისო ორგანიზაციებს, დიპლომატებს, ყველა რანგის ადამიანებს ჩავრთავთ, რომ ერთხელ და სამუდამოდ, საქართველოში, დაუსჯელობის სიდრომი და შერჩევითი სამართალი აღმოიფხვრას", - უთხრა მიხეილ რამიშვილმა "მთავარ არხს".

შეგახსენებთ, „შაბათის ფორმულასთან“ ინტერვიუში ყოფილმა გამომძიებელმა, სერგო შუბითიძემ განაცხადა, რომ თამარ ბაჩალიაშვილის საქმესთან დაკავშირებით, ბევრი საეჭვო გარემოებაა. 

შუბითიძეს ბაჩალიაშვილის თვითმკვლელობის ვერსიის არ სჯერა და ამბობს, რომ საქმე, შესაძლოა, გაყალბებული იყოს. 

თამარ ბაჩალიაშვილი 2020 წლის 18 ივლისს გაუჩინარდა. 23 წლის პროგრამისტი რამდენიმედღიანი ძებნის შემდეგ, თეთრიწყაროს ტყეში, საკუთარ მანქანაში გარდაცვლილი იპოვეს. გამოძიების ინფორმაციით, ბაჩალიაშვილმა სიცოცხლე თვითმკვლელობით დაასრულა. აღნიშნული დასკვნით საქმე დაიხურა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს